လင်းလင်း၏ မှတ်စုများ

ဒီတစ်ခေါက် မလေးနှစ်ကူး Hari Raya မှာ ကျွန်တော်တို့ ကုမ္ပဏီက တစ်ပါတ် ပိတ်မယ်ဆိုတော့ သူငယ်ချင်းဖြစ်တဲ့ စည်သူနဲ့ ဟူတန်မယ်လင်တန် (Hutan Melintang) ကို ခရီးအတူသွားကြဖို့ တိုင်ပင်ထားပါတယ်။ စည်သူက ဟာရီရာယာရက် မတိုင်မှီ ၁၉ ရက်နေ့မှာ မလေးရှားကို ၀င်မှဖြစ်မယ်လို့ ပြောပါတယ်။ သူ့ မလေးရှားဗီဇာက ၁၉ရက်နေ့ သက်တမ်း ကုန်တော့မယ်တဲ့။ ဒီတော့ ၁၉ရက်နေ့ သောကြာနေ့ ညနေပိုင်းကားနဲ့ မလေးရှားကို ၀င်လာပါတယ်။ ည ၁နာရီလောက် သူတို့ကားက Bukit Jalil မှာဂိတ်ဆုံးတာမို့ ကျွန်တော်က Bukit Jalil မှာ သွားကြိုလိုက်ပါတယ်။ စနေနေ့ကတော့ ထုံးစံအတိုင်း ရုံးကနေ့တစ်ဝက် တက်ရသေးတယ်။ အလုပ်ကိစ္စပြီးမှ Simpang Empat ကိုသွားမယ့် ကားလက်မှတ်ကို Pudu Raya မှာ သွားဝယ်ဖြစ်ပါတယ်။ ကားလက်မှတ်က Kuala Lumpur ကနေ Simpang Empat ကို တစ်ယောက် မလေးငွေ RM 13.20 ကျပါတယ်။ အဲဒီ့နေ့ကတော့ ဝေဖြိုးကို တရုတ်တန်းနဲ့ Kota Raya ကုန်တိုက် လိုက်ပို့ပြီး အိမ်ပဲ ပြန်လာခဲ့ကြပါတယ်။ နောက်တစ်နေ့ 20.9.2009 ရက်နေ့မှာ နံနက်စောစောထပြီး ရုံးကအစ်မကို သွားခေါ်ရပါသေးတယ်။ သူ့အိမ်မှာပဲကားထားခဲ့ပြီး Pudu Raya ကားဂိတ်ကို Taxiငှားပြီး ထွက်လာခဲ့ကြပါတယ်။ ကားက၉နာရီမှာထွက်မှာမို့ နံနက်စာကို ကားဂိတ်မှာပဲ စားလိုက်ကြပါတယ်။ ကားစထွက်တော့ ၉နာရီ ၁၅မိနစ် ရှိနေပါပြီ။ လမ်းတလျှောက်မှာတော့ စည်သူက တွေ့သမျှကို ဓါတ်ပုံလိုက်ရိုက်ပါတယ်။ လမ်းဘေးတလျှောက် ပတ်ဝန်းကျင် ရှုခင်းတွေက အရမ်းပဲလှပပါတယ်။ များသောအားဖြင့်ကတော့ ဆီအုန်းပင်တွေကို တွေ့နေရတာပါ။ ဒါပေမယ့် ဆီအုန်းပင်တွေက စိုက်ခါစဆိုတော့ တောင်တွေကိုပတ်ပြီး ဖောက်ထားတဲ့ လမ်းတွေကို ကားပေါ်ကနေ အတိုင်းသား မြင်နေရတာပါ များသောအားဖြင့် ဆီအုန်းပင် အကြီးတွေသာ တွေ့နေကျဆိုတော့ တညီတညာ စိုက်ပြီးခါစ အပင်ပေါက်လေးတွေကို တောင်ကတုံးပေါ်မှာ အစီအရီတွေ့နေရတာ တမျိုးအမြင် ထူးနေပါတယ်။ တစ်နေရာမှာတော့ လမ်းဘေးတစ်လျှောက်မှာ စပါးစိုက်ခင်းတွေ တွေ့ရပါတယ် မလေးရှားမှာ စပါးစိုက်ခင်းကို တွေ့ရတာ ပထမဦးဆုံးပဲ ဆိုပါတော့။ ဒီနေရာမှာတော့ တောင်တွေမရှိပဲ မြင်ကွင်းတဆုံး မြေပြန့်လွင်ပြင်ကြီးကို တွေ့ခဲ့ရပါတယ်။ စပါးခင်းတွေမြင်ရတော့ အမိမြန်မာပြည်ကို ပိုလို့တောင် သတိရမိပါတယ်။ အထူးသဖြင့် ရန်ကုန်ကနေပြီး မအူပင်ကို သွားတဲ့လမ်းကို သွားသတိရမိပါတယ်။

ဟူတန်မယ်လင်တန် (Hutan Melintang)

ဒီလိုနဲ့ ၁၂ နာရီခွဲလောက်မှာ Teluk Intan ကားဂိတ်ကို ကိုရောက်လာပါတယ်။ ဖြစ်ချင်တော့ ကျွန်တော်တို့က Simpang Empat ကို ကျော်လာခဲ့တာပါ။ အမှန်က Simpang Empat မှာဆင်းရမှာပါ။ အဲဒီ့ကနေပဲ စင်ပန်း အန်ပတ် ကို ပြန်ပြီး Taxi ငှားပြီး လာခဲ့ပါတယ်။ Taxi ခက RM 35 ပေးလိုက်ရပါတယ်။ စင်ပန်းအန်ပါတ် ရောက်တော့ အသိမိတ်ဆွေဖြစ်တဲ့ ကိုအောင်ငွေက စောင့်ကြိုနေပါတယ်။ ကိုအောင်ငွေရဲ့ အိမ်ကို စ၀င်ဝင်ချင်းမှာပဲ ဗုဒ္ဓမြတ်စွာဘုရားရဲ့ ရုပ်ပွားတော်ကို သပ္ပါယ်စွာနဲ့ ဖူးတွေ့လိုက်ရပါတယ်။ မြန်မာလူမျိုးတို့ရဲ့ ဘာသာရေး ကိုင်းရှိုင်းမှုဟာ ဘယ်လိုနေရာမှာဖြစ်ဖြစ် မမှေးမှိန် မပျောက်ကွယ်တာကို ဂုဏ်ယူမိပါတယ်။ ဒါ့အပြင် ကိုအောင်ငွေက ဦးစီးပြီး သူ့အိမ်မှာ Hutan Melintang ကိုရောက်ရှိလာတဲ့ ရဟန်းသံင်္ဃာတော်တွေ အတွက် ရေလုပ်သားတွေရဲ့ စုပေါင်းအလှုငွေကို တစ်နေ့ RM 1 ကျ အလှူငွေ ထည့်ဝင် စုဆောင်းထားပြီး ခရီးစားရိတ်၊ ကထိန်ပွဲ၊ ၀ါဆိုသင်္ဃန်းကပ်လှူပွဲတွေကို ဒီအလှူငွေထဲကနေပြီး အလှူဒါန ပြုလုပ်လေ့ရှိတယ်ဆိုတာ သိရပါတယ်။ ကျွန်တော်တို့ သူငယ်ချင်းသုံးယောက်သားလဲ တစ်ဦးကို RM 50 စီ ပုလောမြို့နယ်မှာ ကျင်းပမယ့် ကထိန်ပွဲအတွက် အလှူငွေထည့်ဝင်လိုက်ကြပါတယ်။ ဒီလိုနဲ့ ခဏလောက် နားပြီး နေ့လည်စာကို ပင်လယ်စာနဲ့ ဧည့်ခံပါတယ်။ ဟင်းချက်စရာတွေကို တရုတ်ဆိုင်တစ်ဆိုင်ကို ပို့ပေးထားပြီး ချက်ခိုင်းစေတာလို့ ဆိုပါတယ်။ တရုတ် စားသောက်ဆိုင်ကလဲ ဆိုင်ပိတ်ခါနီးမှာ မှာထားတဲ့ ဟင်းတွေကို ကောင်းစွာချက်ပေးထားပါတယ်။ ဟင်းတွေကတော့ ရှယ်ပါပဲ။ အများစုက ကျွန်တော်နဲ့ သူငယ်ချင်းစည်သူ့အကြိုက် ပင်လယ်စာတွေပါ။ နေ့လည်စာကို ဗိုက်ဆာဆာနဲ့ အများကြီး စားဖြစ်လိုက်တယ်။ စားပြီးသောက်ပြီးတော့ ခဏနားပြီး ကိုအောင်ငွေက ရေလုပ်ငန်း အတွေ့အကြုံတွေကို ပြောပြပါတယ်။ ဟူတန်မယ်လင်တန် မှာရှိတဲ့ မြန်မာ ရေလုပ်သားတွေရဲ့ဘ၀အကြောင်း။ Overstay သမားတွေကို Immigration က၀င်ဖမ်းတဲ့အကြောင်းတွေ ပြောပြပါတယ်။ Over Stay သမားတွေအတွက် အဖမ်းမခံရအောင် မလေးရှား ရင်းဂစ် RM3000 လောက် အမြဲဆောင်ထားရကြောင်းနဲ့ ပတ်စ်ပို့အစစ် ကိုင်ဆောင်ထားပေမယ့် Hutan Melintang မှာက ထိုင်းပတ်စ်ပို့ကို ကိုင်ဆောင်မှသာ စက်လှေနဲ့ ပင်လယ်ကို ထွက်လို့ရတယ်လို့ ပြောပြပါတယ်။ မလေးရှား လူဝင်မှုကြီးကြပ်ရေးက ၀င်စစ်တဲ့အခါ ထိုင်းလူမျိုး စကားပြန်တစ်ဦး လိုက်ပါလာပြီး ထိုင်းဟုတ်မဟုတ် စစ်ဆေးတယ်လို့သိရပါတယ်။ တကယ်လို့ အလိမ်ပေါ်ရင်တော့ အဖမ်းခံရပြီပေါ့။ ရေလုပ်ငန်း ကျွမ်းကျင်တာချင်းဆို မြန်မာတွေကတောင် သာပါဦးမယ်။ မြန်မာရယ်လို့ ထင်ပေါ်စွာ မနေရဲတဲ့အဖြစ်ကို ရောက်မှန်းမသိ ရောက်နေရတဲ့ အဖြစ်ကို စိတ်မကောင်း ဖြစ်မိပါတယ်။ လူဝင်မှုကြီးကြပ်ရေးကလွဲလို့ တော်ရုံရဲတွေကတော့ သိပ်မှုစရာမလိုပါဘူး။ မလေးရှားမှာလဲ အရာရာကို ငွေနဲ့ဖြေရှင်းလို့ရတာတွေ အများကြီးရှိနေပါသေးတယ်။ ဟူတန်မယ်လင်တန်မှာ ရေလုပ်သား အများစုက မြန်မာလူမျိုးတွေဖြစ်တဲ့ ဘိတ်၊ ထားဝယ်၊ မွန်လူမျုးတွေနဲ့ ရခိုင်လူမျိုးတွေသာ အများစု အလုပ်လုပ်ကိုင် နေကြတာပါ။ ဟူတန်မယ်လင်တန် မြို့ငယ်ဟာလည်း မလေးလို Sungai Bemama လို့ခေါ်တဲ့ အရှေ့တောင်ကနေ အနောက်မြောက်ဘက်ကို စီးဆင်းနေတဲ့ ဘီမားမား (Bemama) မြစ် တစ်လျှောက်မှာ တည်ထားပြီး ကမ်းခြေ တစ်လျှောက်မှာတော့ ငါးလုပ်ငန်း စက်ရုံတွေနဲ့ တံငါရွာလေး တစ်ရွာလိုပါပဲ။ Bemama မြစ်ကနေပြီးတော့ ပင်လယ်ဝကိုတော့ တစ်နာရီခွဲလောက် မောင်းရပါတယ်။ စက်ရုံတွေမှာတော့ မြန်မာအများစု၊ ဗီယက်နမ်နဲ့ အင်ဒိုနီးရှား လူမျိုးတချို့တွေ့ရပါတယ်။

ညနေ ၃ နာရီလောက်မှာ အနီးအနားက ကမ်းခြေတစ်ခုကို လိုက်ပို့ပေးမယ်လို့ ပြောပါတယ်။ မနက်ဖြန်မှ Pangkor ကျွန်းကို လိုက်ပို့ပေးမယ်ဆိုပြီး အစီအစဉ်ဆွဲထားတာပါ။ Pangkor ကျွန်းကတော့ မလေးရှားမှာ လန်ကာဝီကျွန်းပြီးရင် ဒုတိယအကောင်းဆုံးလို့ ပြောလို့ရပါတယ်။ ဒီကျွန်းပေါ်မှာပဲ မလေးရှားရေတပ် ရှိတယ်လို့ ပြောပါတယ်။ အဲဒီ့ကျွန်းကိုတော့ မနက်ဖြန်မှပဲသွားဖို့ စီစဉ်ထားတာပါ။ အခုလောလောဆယ်တော့ အနီးနားက Kampung Tebok Seri Tanjung ကမ်းခြေဘက်ကို သွားကြပါတယ်။ အရင်ဆုံး အဲဒီ့ကမ်းခြေကို သွားဖို့အတွက် Bemama မြစ်တစ်ဖက်ကမ်းဖြစ်တဲ့ Sungai Ayer Tawer ဘက်ကို ဇက်နဲ့ကူးရပါတယ်။ Sungai Ayer Tawer ကတော့ မလေးအခေါ်အဝေါ်ဖြစ်ပြီး Fresh Water လို့ အဓိပ္ပါယ်ရပါတယ်။ တစ်ဖက်ကမ်းကို ကူးတဲ့ ဇက်ကတော့ သိပ်မကြီးလှပါဘူး။ တစ်ဖက်ကမ်းကို ကားလမ်းနဲ့ ပုံမှန်သွားမယ်ဆိုရင် Telok Kerdu ကနေပြီး တစ်ပါတ်ကြီး သွားရတာမို့ ဒီဇက်ဆိပ်ကိုပဲ အဓိကအသုံးပြုနေကြတာ ဖြစ်ပါတယ်။ တစ်ဖက်ကမ်းကို ရောက်တော့ အရင်ဆုံး ကြိုဆိုနေကြတာက ဆိပ်ကမ်းနားမှာ နေနေကြတဲ့ မျောက်တစ်အုပ်ပါ။ ရီးသွားတွေက မျောက်တွေကို အစာကျွေးကြပါတယ်။ ကျွန်တော်တို့ကတော့ ပြန်လာမှပဲ အစာကျွေးမယ်ဆိုပြီး အသင့်စောင့်နေတဲ့ ကားနဲ့ ဆက်ထွက်လာခဲ့ပါတယ်။ လမ်းဘေး တလျှောက်ကတော့ မမြင်ချင်မှအဆုံး ဆီအုန်းပင်တွေပေါ့ဗျာ။ ၁၅ မနစ်လောက် မောင်းပြီးတော့ ကမ်းခြေဘက်ကို ရောက်လာခဲ့ပါတယ်။ ကားကတော့ ၅နာရီလောက်မှ ပြန်လာကြိုမယ်ဆိုပြီး ပြန်ထွက်သွားပါတယ်။ ဒီ Kampung Tebok Seri Tanjung ကမ်းခြေမှာက ရေကူးလို့မရပါဘူး။ ကမ်းခြေဘက်မှာ သဲသောင်ပြင်မရှိပဲ ကျောက်တုံးတွေနဲ့မို့ အပန်းဖြေ အနားယူရုံ သက်သက်ပါပဲ။ ကမ်းခြေကနေ မျှော်ကြည့်လိုက်ရင် ပင်လယ်ပြင်ကြီးကို မျက်စိတဆုံး မြင်တွေ့နေရပါတယ်။ လေကောင်း လေသန့် ရှူရှိုက်ရင်း ကမ်းခြေမှ ဓါတ်ပုံတွေ အတော်တော်များများ ရိုက်ဖြစ်ခဲ့ပါတယ်။ ကမ်းခြေမှာတော့ စွန်လွှတ်တဲ့သူတွေ၊ အပန်းဖြေလာတဲ့သူတွေကို အတော်အတန် တွေ့ရပါတယ်။

အဲဒီ့မှာ ညနေ ၅နာရီ ကျော်ကျော်လောက်အထိ နေပြီးမှ လာကြိုတဲ့ ကားရောက်လာလို့ အားလုံး ဇက်ဆိပ်ဘက်ကို ပြန်လာခဲ့ကြပါတယ်။ စည်သူကတော့ ကားရှေ့ခန်းမှာ ကားဒရိုက်ဘာ တရုတ်လူမျိုးနဲ့ စကားဖောင်ဖွဲ့နေပါတယ်။ အပြန်လမ်းတစ်ဝက်မှာ ကား Accidence ဖြစ်နေတာလို့ ရဲတွေ မီးသတ်သမားတွေနဲ့ ရှုပ်နေပါသေးတယ်။ ကားပေါ်ကနေကြည့်လိုက်တော့ မလေးရှားထုတ် Proton Saga အမျိုးအစား ကားအဖြူရောင် ကားလေးတစ်စီး လမ်းဘေးထိုးကျနေတာ တွေ့ခဲ့ရပါတယ်။ မလေးရှားက လမ်းတွေက ကောင်းတော့ ကားမောင်းသူတွေကလဲ အမြန်မောင်းကြတာများပါတယ်။ အဲဒါကြောင့်လဲ မကြာခဏ မတော်တဆ ယဉ်တိုက်မှုတွေ တွေ့နေရပါတယ်။ ဇက်ဆိပ်ကို ပြန်ရောက်တော့ ကိုအောင်ငွေက ဆိုင်ကယ်နဲ့ မျောက်စာ ၀င်ဝယ်နေလို့ ခဏစောင့်နေကြပါတယ်။ တစ်ဖက်ကမ်းက ဇက်ကလဲ မရောက်သေးတာမို့ မျောက်စာ ကျွေးဖို့အတွက် စောင့်ဆိုင်းနေကြတာပါ။ ခဏကြာတော့ ကိုအောင်ငွေက မုန့်ထုပ်တွေနဲ့ ရောက်လာပါတယ်။ မုန့်ထုပ် တချို့ကို အတူလာတဲ့ အစ်မဆီကို ပေးလိုက်တဲ့အခါမှာတော့ တောထဲက မျောက်အုပ်က အပြင်ကို ပြေးထွက်လာပါတော့တယ်။ အဲဒီ့ထဲကမှ မျောက်တစ်ကောင်က မုန့်ထုပ်တွေ ၀င်လုလို့ အစ်မလဲ ကြောက်လန့်ပြီး မုန့်ထုပ်တွေ လွှတ်ချလိုက်လို့ မျောက်တွေက ဆွဲပြေးသွားပါတယ်။ အနီးနားက အန္ဒိယ လူမျိုးတစ်ဦးက ၀င်ချောက်လှန့်တော့မှ မုန့်ထုပ်တွေ လွှတ်ချပြီး ပြေးပါတော့တယ်။ ဒီတော့မှ အေးအေးဆေးဆေး မုန့်ထုပ်တွေ ဖောက်ပြီး မျောက်စာကျွေးဖြစ်ပါတယ်။ အလွန်လောဘကြီးတဲ့ မျေက်တွေတွေ့သလိုပဲ ကြီးနိုင်ငယ်ညှဉ်း အကျင့်ရှိတဲ့ မျောက်တချို့လဲ တွေ့ရပါတယ်။ တချို့မျောက်တွေကတော့ လက်ထဲမှာ မုန့်နှစ်ခုလောက်ရတာနဲ့ ချောင်တစ်ခုမှာ အေးရာအေးကြောင်း သွားစားနေကြပါတယ်။ ဘယ်လိုပဲဖြစ်ဖြစ်အခုလို တရိစ္ဆာန် လေးတွေကို အစာကျွေးမွေးရတာ စိတ်ထဲမှာပီတိဖြစ်မိတာ အမှန်ပါ။ မျောက်စာ ကျွေးပြီးတဲ့နောက်မှာတော့ တစ်ဖက်ကမ်းက ဇက်ရောက်လာတာနဲ့ တစ်ဖက်ကမ်းကို ပြန်လာခဲ့ကြပါတယ်။ ဇက်မထွက်ခင် ဘီမားမား (Bemama) မြစ်ရဲ့ နေ၀င်ဆည်းဆာအလှကို ဓါတ်ပုံရိုက်ယူနိုင်ခဲ့ပါတယ်။ ညဘက် ၇ နာရီလောက်မှာတော့ အနီးနားက မြန်မာဆိုင်တစ်ဆိုင်မှာ ညစာသွားစားကြပါတယ်။ ဟင်းတွေကတော့ ကျွန်တော်တို့အကြိုက် ပင်လယ်စာပါပဲ။ အဲဒီ့ဆိုင်မှာ စားရတာကတော့ တကယ်ပဲမြန်မာပြည်က စားသောက်ဆိုင်တစ်ဆိုင်မှာ စားသောက်ရသလိုပါပဲ။ ငါးပေါင်းဟင်းရယ်။ ပုဇွန်ထုပ်ကြော်၊ ကြက်သားဟင်းအစပ်ချက်၊ ကျောက်ပုဇွန်ဟင်းချိုနဲ့ ငါးပိရည် တို့စရာရယ်ပါ။ စားပြီးသောက်ပြီးတော့ အိမ်ကိုပဲ ပြန်လာကြပြီး စောစောအနားယူလိုက်ကြပါတယ်။

နောက်တစ်နေ့ 21.9.2009 ရက်နေ့ နံနက်ပိုင်းမှာတော့ Pangkor ကျွန်းကို သွားဖို့အတွက် ပြင်ဆင်ကြပါတယ်။ စည်သူနဲ့ ဝေဖြိုးကလဲ ဒီနေ့မှာ ရုံးပြန်တက်ရမှာမို့ ပြန်မလာနိုင်တဲ့အကြောင်း ခွင့်တစ်ရက် ထပ်တင်လိုက်ကြ ပါတယ်။ နံနက်ပိုင်း မြန်မာဆိုင်တစ်ဆိုင်မှာ နံနက်စာသွားစားကြပါတယ်။ နံနက်စာစားရင်း ဆိုင်မှာ စည်သူနဲ့ ရုံးက အစ်မက စကားနိုင်လုနေကြသေးလို့ ဝေဖြိုးနဲ့ ကျွန်တော်နှစ်ယောက်သား ရီနေရပါသေးတယ်။ နံနက်စာ စားပြီး အိမ်ကိုပဲပြန်လာကာ Pangkor ကျွန်း ဇက်ဆိပ်ကို လိုက်ပို့ပေးမယ့် ကားစောင့်နေကြပါတယ်။ ဖြစ်ချင်တော့ အဲဒီ့နေ့မှာ ကားက ဘယ်လိုမှ ငှားလို့မရဘူး ဖြစ်နေပါတယ်။ နံနက် ၁၀ နာရီထိုးအထိ အဆင်မပြေ ဖြစ်နေတာနဲ့။ ကိုအောင်ငွေအိမ်က အစ်ကိုတစ်ယောက်က စက်လှေတွေကို လိုက်ပြီးလေ့လာဖို့ ဖိတ်ခေါ်တာနဲ့ ကျွန်တော်ရယ် စည်သူရယ် နှစ်ယောက်သား သူ့ဆိုင်ကယ်နဲ့ လိုက်သွားပါတယ်။ စက်ရုံရောက်တော့ ပင်လယ်က ပြန်ဝင်လာတဲ့ စက်လှေတွေ မကပ်သေးတာနဲ့ စက်ရုံ အတွင်းပိုင်း ထဲပဲ လိုက်လေ့လာဖြစ်ပါတယ်။ ငါးကြိတ်တဲ့ စက်တွေနဲ့ အအေးခန်းတွေနဲ့၊ ငါးရွေးတဲ့နေရာတွေကို လိုက်လေ့လာဖြစ်ပါတယ်။ ငါးစာအတွက် ဖွဲတွေကိုတော့ စက်ရုံတွင်းမှာပဲ ပုံထားတာ တွေ့ခဲ့ရပါတယ်။ စည်သူက ငါးရွေးတာ ကြည့်ချင်တယ်ဆိုတာနဲ့ အဲဒီ့အစ်ကိုကပဲ သူ့အသိ စက်ရုံကို ခေါ်သွားပါတယ်။ ဟိုရောက်တော့ စက်လှေကပ်ခါစမို့ ငါးတွေကို စက်လှေဝမ်းဗိုက်ထဲကနေပြီြး ခြင်းတောင်းထဲထည့်ကာ ကမ်းပေါ်ကနေ ကရိန်းနဲ့ဆွဲတင်ပါတယ်။ အဲဒီ့နောက် ငါးရွေးတဲ့ အဖွဲက ခြင်းထဲက ငါးတွေကို ဗန်းထဲထည့်ပြီး သူ့အမျိုးအစားအလိုက် တောင်းတွေထဲ ခွဲထည့်ပါတယ်။ အောက်မှာတော့ ပင်လယ်ရေခူတွေကို ဒီအတိုင်းပစ်ထားပြီး ရေခူများများရမှ ရောင်းလို့အဆင်ပြေပြီး အနဲအကျဉ်းကိုတော့ ဒီအတိုင်းပဲ ပစ်ထားတယ်လို့ ပြောပါတယ်။ တချို့ ပင်လယ်ဂဏန်းတွေလဲ ဒိလိုပါပဲ။ ရေခူတချို့ထဲမှာတော့ ငါးအသေတွေတွေ့လို့ မေးကြည့်တော့ ရေခူကငါးအုပ်ထဲဝင်ပြီး စားထားတာပါတဲ့။ ရေခူက ဂျယ်လီတုံးကြီးလိုပဲ ဆိုတော့ ကျွန်တော်တို့နှစ်ယောက်လဲ ကိုင်ကြည့်ချင်တာနဲ့ ယားမယား မေးကြည့်တော့ ဒီကောင်က သေသွားတဲ့အခါမှာတော့ မယားတော့ဘူးတဲ့။ တစ်ချို့ နီညိုရောင် အကောင်တွေကတော့ ယားတယ်လို့ ပြောပါတယ်။ ကျွန်တော်တို့နှစ်ယောက်သား အဲဒီ့မှာ ဓါတ်ပုံတွေရိုက်ပြီးတော့ ကိုအောင်ငွေတို့ ကမ်းခြေသွားဖို့ စောင့်နေကြမှာစိုးတာနဲ့ ပြန်လာခဲ့ကြပါတော့တယ်။
အိမ်ပြန်ရောက်တော့ အခုချိန်အထိ ကားက ငှားလို့အဆင်မပြေဘူး ဖြစ်နေတယ်လေ။ ကိုအောင်ငွေလဲ ဆိုင်ကယ်တစ်စီးနဲ့ ဟိုပြေးဒီပြေး ကားလိုက်ငှားနေရတာ တစ်စီးမှ အဆင်မပြေဖြစ်နေပါတယ်။ သူလဲ အချိန် နောက်ကျနေမှာစိုးလို့ အသည်းအသန် ကားလိုက်ငှားနေရှာတာပါ။ ဒါပေမယ့်လဲ ဒိနေ့တစ်နေ့လုံး ကားတစ်စီးမှ ငှားလို့အဆင်မပြေခဲ့ပါဘူး။ ညနေမှကားရရင်လဲ ရောက်ပြီးပြန်လာရုံသာ ဖြစ်နေမှာမို့ လက်လျှော့ လိုက်ပါတော့တယ်။ ကိုအောင်ငွေလဲ ကျွန်တော်တို့ကို အလွန်ပဲ အားနာနေပါတယ်။ စည်သူတို့ ခွင့်ယူထားပြီးမှ အစီအစဉ်ပျက်သွားလို့ အလွန်အားနာနေတာဖြစ်မှာပါ။ ကျွန်တော်တို့လဲ စိတ်မကောင်းမဖြစ်ဖို့ နောက်ထပ် အားလပ်ရက်တွေမှာ ထပ်လာခဲ့မယ့်အကြောင်း ပြောပြရပါတယ်။ အဲဒီ့နေ့ကတော့ စည်သူက ၂၂ ရက်နေ့အတွက် လေယာဉ်လက်မှတ် အွန်လိုင်းကနေ Booking သွားတင်ပါတယ်။ ကိုအောင်ငွေကတော့ မနက်ဖြန်ကို မဖြစ်ဖြစ်အောင် လိုက်ပို့ပေးမယ့်အကြောာင်း တဖွဖွပြောရှာပါတယ်။ ဒါပေမယ့်လဲ စည်သူတို့က ခွင့် နောက်ထပ်ယူလို့ မကောင်းတော့တာကြောင့် နောက်တစ်ကြိမ်မှ ထပ်လာခဲ့မယ်ဆိုပြီး နှစ်သိမ့်လိုက်ရပါတယ်။ ဘယ်မှ မသွားဖြစ်တာကြောင့် တစ်နေ့ခင်းလုံး ကိုအောင်ငွေတို့ရဲ့ ပုလောဇာတိဖွား လက်ဝှေ့ကျော် ၂၀၀၇ နဲ့ ၂၀၀၈ ချန်ပီယံ တွေ့မရှောင်ရဲ့ ပွဲတွေကို ကြည့်ဖြစ်လိုက်ပါတယ်။ လက်ဝှေ့ပွဲမတွေ မကြည့်ရတာ ကြာပြီဆိုတော့ ဒီလက်ဝှေ့ကျော်ရဲ့ပွဲကို စိတ်ဝင်တစား ကြည့်ဖြစ်လိုက်ပါတယ်။ ဒီလက်ဝှေ့ကျော်ကတော့ အရင် ချန်ပီယံတွေနဲ့ မတူပဲ အတော်လေးအကြမ်းခံနိုင်ပြီး လက်ဝှေ့ပညာ အတော်လေးကောင်းတာ သတိထားမိပါတယ်။ အထူးသဖြင့် မြန်မာ့ လက်ဝှေ့ကျော် တွေ့မရှောင်နဲ့ မွေထိုင်းချန်ပီယံ ပါဝီတို့ရဲ့ပွဲကို အထူးပဲ သဘောကျမိပါတယ်။ ပါဝီကို နှစ်ချီမြောက်မှာပဲ ခေါင်းတိုက်ချက်နဲ့ အနိုင်ယူနိုင်ခဲ့ပါတယ်။ သူ့ရဲ့ တိုက်စစ်ဆန်တဲ့ တရစပ်ထိုးသတ်မှုတွေက ပွဲကြည့်ပုရိသတ်ကို အထူးဆွဲဆောင်မှု ရှိတာတွေ့ရပါတယ်။ မနက်ဖြန်နံနက် ၉နာရီခွဲကားနဲ့ ကွာလာလမ်ပူကို ပြန်ကြတော့မှာမို့ ကိုမြင့်အေးက ကားလက်မှက်ကို သွားဝယ်ပေးထားပါတယ်။ ဒီနေ့ညစာကိုတော့ ရုံးကအစ်မ လက်ရာဖြစ်တဲ့ လက်ဖက်သုပ်နဲ့ ပုဇွန်သုပ်၊ ကင်းမွန်သုပ်၊ ကြက်သားသုပ်၊ ဘိတ်ငါးပိသုတ်၊ ပုဇွန်ကြော်၊ ပင်လယ်ငါးချက်၊ ၀က်သားဟင်းတို့နဲ့ စားလို့မြိန်ခဲ့ပါတယ်။
ဒီလိုနဲ့ ၂၂ရက်နေ့ နံနက်ပိုင်းမှာတော့ နံနက်စာစားပြီး ကားဂိတ်ကို ကိုအောင်ငွေနဲ့ မြန်မာ အိန္ဒိယလူမျိုးတစ်ဦးက ကားနဲ့လိုက်ပို့ပေးပါတယ်။ သူ့ကို မြန်မာနိုင်ငံကနေ ရောက်တာကြာပြီလားဆိုပြီး ဝေဖြိုးကမေးကြည့်တော့ မြန်မာနိုင်ငံကိုတောင် မမြင်ဖူးဘူးတဲ့။ မလေးရှားမှာပဲ ကြီးပြင်းလာတာလို့ ပြောပါတယ်။ ရုံးကအစ်မကတော့ မနက်ဖြန်မှာ Pangkor ကျွန်းကိုသွားမှာမို့ နေခဲ့ပါတယ်။ ကျွန်တော်ရယ်၊ စည်သူရယ် ဝေဖြိုးတို့ သုံးယောက်သားပဲ ကွာလာလမ်ပူကို ပြန်လာခဲ့ကြပါတယ်။ နေ့လည် ၁၂နာရီခွဲလောက်မှာတော့ ကွာလာလမ်ပူရှိ ပူဒူးရာယာ ကားဂိတ်ကို ပြန်ရောက်ခဲ့ပါတော့တယ်။ ဒီခရီးလေးကို သွားဖြစ်ခဲ့တာ အလွန်ပဲ တန်ဖိုးရှိတဲ့ အတွေ့အကြုံတွေ ရခဲ့ပါတယ်။ ဟူတန်မယ်လင်တန်မှာရှိတဲ့ မြန်မာတွေဟာ စည်းလုံးကြတာကို တွေ့ခဲ့ရပါတယ်။ မြန်မာပြည်က ရွာလေးတစ်ရွာကို ရောက်နေတဲ့အတိုင်းပဲ ခံစားခဲ့ရပါတယ်။ ကျွန်တော့်ရဲ့ ဖခင်ကြီး ကိုယ်တိုင်ကလဲ ပင်လယ်ရေလုပ်သားတစ်ဦး ဖြစ်ခဲ့လို့ ပင်လယ်အကြောင်း ငါးဖမ်းလုပ်ငန်းအကြောင်း ကြားဖူးနားဝ ရှိခဲ့ပေမယ့် ယခုလို လက်တွေ့ လေ့လာခွင့်ကတော့ ပထမဦးဆုံး အကြိမ်လို့ ဆိုနိုင်ပါတယ်။ လက်တွေ့ သွားရောက် လေ့လာကြည့်မှပဲ ပင်လယ်ရေလုပ်သားတွေရဲ့ ဘ၀ ကြမ်းတမ်းခက်ထန်တယ်ဆိုတာ သိရှိနားလည်နိုင်ခဲ့လို့ မြန်မာပြည်က ဖခင်ကျွန်တော်တို့ အပေါ် အလွန်ပဲပင်ပန်းစွာ ရှာဖွေကျွေးမွေးခဲ့မှုတွေကို ပြန်လည် အမှတ်ရခဲ့ပြီး ဖခင်ရဲ့ ဂုဏ်ကျေးဇူးကို အထူးပဲ သိရှိနားလည်နိုင်ခဲ့လို့ ဒီခရီးစဉ်ဟာ အလွန်ပဲ အကျိုးရှိခဲ့တယ်လို့ ဆိုရမှာဖြစ်ပါတယ်။ ဒါ့အပြင် ကိုအောင်ငွေနဲ့ ကိုမြင့်အေးတို့ရဲ့ ဧည့်ဝတ်ကျေပွန်မှု တွေကိုလဲ အထူးပဲ ကျေးဇူးတင်မိပါတယ်။ ပင်လယ်စာတွေလဲ တ၀ကြီးစားခဲ့ရတာမို့ ပင်လယ်စာကြိုက်တဲ့ ကျွန်တော်တို့ သူငယ်ချင်းတွေအတွက် အမြဲတမ်း အမှတ်ရနေမှာဖြစ်ပါတယ်။

Genting Highlands ကိုတော့ မလေးရှားကို ရောက်ဖူးသူတိုင်း အတော်များများသိကြမှာပါ။ မလေးရှားကို ရောက်တဲ့သူတိုင်း Genting Highlands ကို သွားလည်ကြတာ များပါတယ်။ Genting Highlands ကတော့ ပင်လယ်ရေမျက်နှာပြင် 1850m အထက်မှာရှိပြီး မလေးရှားနိုင်ငံရဲ့ နာမည်ကျော် တောင်ပေါ် Casino ကစားဝိုင်းတွေနဲ့ စည်ကားနေတဲ့ နေရာတစ်ခုလဲ ဖြစ်ပါတယ်။ ကာစီနို ကစားဝိုင်းတွေအပြင် ကစားကွင်းတွေ၊ ရှော့ပင်း စင်တာတွေနဲ့ စည်ကားလှတဲ့ နေရာဖြစ်ပါတယ်။ တောင်ပေါ်မှာတော့ အေးမြတဲ့ ရာသီဥတုနဲ့ လှပတဲ့ တောင်ပေါ်ရှုခင်းတွေကို ခံစားနိုင်ပါတယ်။ မလေလေးရှား ပြည်နယ်ကြီး နှစ်ခုဖြစ်တဲ့ Pahang ပြည်နယ်နဲ့ Selangor ပြည်နယ်နှစ်ခု ကြားမှာ တည်ရှိပြီး ကွာလာလမ်ပူ မြို့နဲ့လဲ သိပ်မဝေးတာကြောင့် တစ်ရက်လေက် အချိန်ပေးရင်ဖြင့် နေရာ အတော်စုံစုံကို လည်ပတ်နိုင်ပါတယ်။ ကွာလာလမ်ပူမြို့ကနေပြီး ကားနဲ့သွားရင် ၁နာရီလောက် ပဲကြာပါတယ်။ Genting Highlands ကို Bus နဲ့သွားချင်ရင်တော့ ကွာလာလမ်ပူမှာရှိတဲ့ Highway ကားဂိတ်နှစ်ခုဖြစ်တဲ့ PuduRaya Bus Station နဲ့ Titiwangsa LRT Station နားမှာရှိတဲ့ Pekeliling Bus Station တောင်ခြေကိုရောက်တဲ့အခါ အရှေ့တောင် အာရှမှာ (3.38km) ခရီးအရှည်ဆုံးဖြစ်တဲ့ Genting Skyway လို့ခေါ်တဲ့ ကေဘယ်ကားနဲ့ တောင်ပေါ်ကို တက်လို့ရသလို ကားနဲ့ပဲ တောင်ပေါ်အထိ ဆက်တက်လို့လဲ ရပါတယ်။ Genting Highlands ကို LRT နဲ့သွားမယ်ဆိုရင်တော့ KL Central ကနေပြီး Gombak Station အထိ စီးရမှာပါ သတိပြုရမယ့်တစ်ချက်တော့ Gombak Station ကို Terminal Putra လို့လဲ ခေါ်ပါတယ်။ LRT ပေါ်မှာတော့။ Gombak Station က နောက်ဆုံး Terminal ဖြစ်တဲ့အတွက် လမ်းမှာ မှားဆင်းစရာမရှိပါဘူး။ Gombak ကိုရောက်ရင်တော့ LRT Station ဘေးနားလေးမှာပဲ Genting Hilands ကိုသွားတဲ့ ဘတ်စ်ကားဂိတ် ရှိပါတယ်။ ကားလက်မှက်ကတော့ Genting Sky Way လက်မှတ် အပါအ၀င် တစ်ဦးကို မလေးရှားရင်းဂစ် RM 5 သာ ကျပါတယ်။ ညမအိပ်ပဲ နေ့ချင်းပြန်မယ်ဆိုရင်တော့ အပြန်ခရီးအတွက် လက်မှတ်ကြိုဝယ်ထားရင် ပိုသင့်လျှော်ပါတယ်။

ကျွန်တော် Genting Highlands ကို ပထမအခေါက် ရောက်ခဲ့တုန်းက စင်္ကာပူက သူငယ်ချင်းနှစ်ယောက်ဖြစ်တဲ့ စည်သူနဲ့ အရှည်ကြီးတို့ မလေးရှားကို လာလည်တုန်းကပါ။ သူတို့နှစ်ယောက်က အဲဒီ့ကို သွားချင်တယ်ဆိုတာနဲ့ ကျွန်တော်လဲ သိသလောက် Pekeliling Bus Station ကနေပဲ သွားဖို့စီစဉ်လိုက်ပါတယ်။ မနက်စောစောထပြီး ၈ နာရီလောက်မှ အိမ်ကနေ Pekeliling Bus Station ကို ကားလေးနဲ့ ထွက်လာလိုက်ပါတယ်။ ဟိုရောက်တော့ ကားလက်မှတ် ၀ယ်ပြီး အချိန် နဲနဲရှိသေးတာနဲ့ ကားဂိတ်နားက မလေးဆိုင်တစ်ဆိုင်မှာပဲ နံနက်စာ စားလိုက်ကြပါတယ်။ Genting ကိုသွားမယ့် ဘတ်စ်ကားက နံနက် ၉ နာရီခွဲလောက်မှ စထွက်ပါတယ်။ Pekeliling ကကားတွေကတော့ ရိုးရိုးဘတ်စ်ကားတွေ အဆင့်လောက်ပဲ ရှိတာမို့ စီးလို့သိပ် မကောင်းပါဘူး။ ကားပေါ်မှာတော့ လူငယ်တွေ သိပ်မတွေ့ရပဲ အသက်ကြီးကြီး တရုတ်လူမျိုးတွေပဲ တွေ့ရပါတယ် (နောက်မှသိရတာက Genting Casino မှာ လာကစားတဲ့သူတွေက အသက်အရွယ်ကြီးတွေသာ များပါတယ်)။ ကားက Batu Cave ကနေပြီး Kuantan ကိုသွားတဲ့ Highway လမ်းအတိုင်း မောင်းသွားရင်း လမ်းမှာ Toll Gate တစ်ခုကို ဖြတ်ပြီးနောက် Genting Highlands ကိုသွားတဲ့ တောင်ပေါ်လမ်းအတိုင်း မောင်းလာပါတယ်။ လမ်းဘေး တစ်လျှောက် လှပတဲ့ တောင်ပေါ်ရှုခင်းတွေ ငေးမောကြည့်ရင် သူငယ်ချင်းတွေ စကားတပြောပြောနဲ့ လိုက်ပါလာခဲ့ပါတယ်။ ကျွန်တော်တို့ စီးလာတဲ့ကားက တောင်ပေါ်အထိ ရောက်တဲ့ကား ဖြစ်နေပါတယ်။ တောင်ပေါ် ရောက်တဲ့အခါမှာတော့ ၁၁နာရီလောက်ရှိနေပါပြီ။

ကားက Genting အ၀င် မုဒ်ဦးဝမှာ ရပ်ပေးပါတယ်။ ကားပေါ်က ဆင်းဆင်းချင်းပဲ အေးမြတဲ့ တောင်ပေါ် ရာသီဥတုက စတင်မိတ်ဆက်ပါတော့တယ်။ အဲဒီ့နေ့က နေသာတဲ့နေ့ ဖြစ်နေလို့ တောင်ပေါ်မှာ တ်ိမ်ခိုး တိမ်ငွေ့တွေ မတွေ့ရပါဘူး။ ကျွန်တော် ဒုတိယအကြီမ် ရောက်သွားတော့ တစ်နေ့လုံး တိမ်ခိုးတွေနဲ့ အလွန်ပဲ အေးမြတဲ့ ရာသီဥတုကို ခံစားရမှာပါ။ အရှည်ကြီးက ကျွန်တော်တို့ သုံးယောက်ထဲမှာ Genting ကို တစ်ခေါက် ရောက်ဖူးခဲ့တဲ့သူဆိုတော့ သူကပဲ ဦးဆောင်ပြီး သွားပါတယ်။ First World Hotel ရှေ့မှာ ဓါတ်ပုံတွေရိုက် ဈေးဆိုင်တွေလျှောက်ကြည့်ပြီး ဗိုက်ဆာလာတာနဲ့ အိန္ဒိယဆိုင်တစ်ဆိုင်မှာ နေ့လည်စာ သွားစားကြပါတယ်။ အဲဒီ့ဆိုင်က ဘူဖေးပုံစံပါ။ ကျွန်တော်နဲ့ စည်သူက ဟင်းနှစ်မျိုးနဲ့။ အရှည်ကြီးက သုံးမျိုးထည့်ပါတယ်။ သုံးယောက်ပေါင်းကို မလေးငွေ RM 70 ကျပါတယ်။ KL မှာဆိုရင် စားသောက်ဆိုင်တစ်ဆိုင်မှာ ကောင်းကောင်း စားလို့ရတယ် ဆိုပြီး ပြန်ပြောကြသေးတယ်။ နောက်တော့ စည်သူက Casino ကစားဝိုင်းထဲ ၀င်ကြည့်မယ်ဆိုလို့ သုံးယောက်သား ၀င်လိုက်ကြပါတယ်။ အ၀င်ဝမှာတော့ ရဲနှစ်ယောက်က ပတ်စ်ပို့တွေကို ထုတ်ပြရသေးတယ်လေ။ အသက်ပြည့်ပြည့်ကို စစ်တာပါ။ အသက် ၁၈ နှစ်အထက်မှ Casino ထဲကို ၀င်ခွင့်ပြုတာပါ။ အထဲမှာတော့ လောင်းကစားနည်းမျိုးစုံ ကစားလို့ရတာကို တွေ့လိုက်ရတယ်။ အရှည်ကြီးက သူ့ဘာသာ တစ်ယောက်တည်း လျှောက်ကြည့်မယ်ဆိုပြီး ထွက်သွားပါတယ်။ စည်သူကတော့ လောလောလတ်လတ် ထွက်လာတဲ့ သူ့လစာကို ATM မှာ မလေးရှားရင်းဂစ် RM1400 ဖိုး သွားထုတ် လိုက်ပါတယ်။ သူက ဖဲကစားနည်း တစ်မျိုးကို စိတ်ဝင်စားနေလို့ပါ။ ဒါပေမယ့် ကစားနည်းကိုတော့ မသိဘူးဖြစ်နေပါတယ်။ ဒီတော့ နှစ်ယောက်သား ကစားနည်းကို သင်ပေးတဲ့ စားပွဲတစ်ခုမှာ ၀င်ပြီး နေရာယူလိုက်ကြပါတယ်။ စည်သူက ကစားနည်းအကြောင်း တရုတ်လို မေးလိုက်တော့ စားပွဲဝိုင်းမှာထိုင်နေတဲ့ ၀န်ထမ်း တစ်ယောက်က ပြန်ရှင်းပြပြီး ကစားနည်းသင်ပေးပါတယ်။ ကစားနည်း သင်ပေးပြီးတဲ့ နောက်မှာတော့ နှစ်ယောက်သား ကစားဝိုင်းတစ်ခုကို သွားကြပါတယ်။ ဖြစ်ချင်တော့ ကစားဝိုင်းတွေက လူပြည့်နေပါတယ်။ ဒါကြောင့် ကစားလို့မရသေးပဲ ဘေးကနေ ကြည့်နေလိုက်ပါတယ်။ ဒီကစားနည်းတွေက တစ်ပွဲကို မလေးငွေ RM200 လောက်ထိုးမှဖြစ်တာမို့လို့ စည်သူ့ကို မကစားဖို့ဘေးကနေ ပြောနေရတယ်လေ။

နှစ်ယောက်သား သူများတွေကစားနေတာကို လျှောက်ကြည့်ရင်း ဘောလုံးလှိမ့်တဲ့ ကစားနည်းတစ်ခု တွေ့မိပါတယ်။ မြန်မာပြည်က ဘုရားပွဲတွေမှာ တွေ့ရတဲ့ ရွှေဘောလုံးလှိမ့်တဲ့ ကစားနည်းလိုပါပဲ။ (လောင်းကစား ၀ါသနာမပါတာကြောင့် ကစားနည်းအမည်ကို မသိလိုက်ပါဘူး အဟီး) တစ်ခုတွေ့လို့ ၀င်ကြည့်မိတဲ့အခါမှာတော့ အရှည်ကြီးက အဲဒီ့ဝိုင်းရောက်နေတယ်လေ။ သူကအဲမှာ ကစားနေတာလေ။ တရုတ်ဘွားတော်ကြီးတွေ ထိုးတဲ့နံပါတ်ကို သူကလိုက်ထိုးနေတာ နဲနဲ နိုင်နေတာ တွေ့လိုက်ရတယ်။ ဒီတော့ စည်သူက စိတ်ဝင်တစား ဖြစ်သွားပြီး သူလဲပဲ ၀င်ကစားပါလေရော။ သူ့မှာရှိတဲ့ RM1400 ဖိုးလုံး ကွိုင်စေ့တွေ လဲလိုက်ပါတယ်။ ကျနော်က ဘာဖြစ်လို့ အကုန်လဲတာလဲဆိုပြီး မေးလိုက်တော့ အရှည်ကြီးကို နောက်ချင်လို့တဲ့။ ဒီတော့လဲ နောက် ငွေပြန်လဲလို့ရတာပဲလေ ဆိုပြီး ကြည့်နေလိုက်မိပါတယ်။ အဲမှာကစားရင်း သူက လေးငါးပွဲလောက် နိုင်ပါတယ်။ တစ်ပွဲနိုင်ရင် ၁ဆကနေ ၁၀ ဆအထိ အမျိုးမျိုးရှိပါတယ်။ လေးငါးပွဲလောက် နိုင်လာတော့ လက်ထဲမှာ ကွိုင်စေ့ အတော်များများ ရှိလာပါတယ်။ ဒါကြောင့် သူ့အရင်းကို အိပ်ထဲထည့်ပြီး နိုင်တာလေးတွေ ဆက်ကစားလာတာ နိုင်တာလေးတွေ တဖြည်းဖြည်း ပြန်ကုန်လာပါရော။ ဒီတော့ အိပ်ထဲသိမ်းထားတဲ့ ကွိုင်စေ့တွေထုတ်ပြီး ပြန်လိုက်ရင်း လိုက်ရင်းနဲ့ ပါလာသမျှကို Genting မှာထားခဲ့ရပါလေရော။ ဒီတော့မှ Casino ခန်းမထဲကနေပြီး ပြန်ထွက်လာဖြစ်ခဲ့ပါတော့တယ်။ အဲဒီ့နေ့က စည်သူတော့မသိဘူး ကျွန်တော်ရယ် အရှည်ကြီးရယ်ကတော့ စိတ်ထဲမှာ အတော်လေး တနှုံ့နှုံ့နဲ့ ခံစားလိုက်ရပါတယ်။

ညနေ ၄နာရီခွဲလောက်ကျတော့ ကျွန်တော်တို့ တောင်ပေါ်ကနေပြီး Sky Way နဲ့ပြန်ဆင်းလာခဲ့ပါတယ်။ အပြန်မှာတော့ Sky Way စီးဖို့အတွက် တန်းစီလိုက်ရပါသေးတယ်။ Sky Way ပေါ်မှာ ဓါတ်ပုံတွေ ရိုက်ဖြစ်ပါသေးတယ်။ Sky Way ပေါ်ကနေပြီးတော့ မလေးရှားရဲ့ တောတောာင် သဘာဝ အလှအပတွေကို ပေါ်စီးကနေပြီး ကြည့်ရှုခံစားနိုင်ပါတယ်။ ကျွန်တော်တို့ကတော့ ဒီတစ်ခေါက်မှ အလှအပတွေကို မခံစားနိုင်တော့ပါဘူး။ စိတ်ထဲတနုံ့နုံ့ ဖြစ်နေလို့လေ Sky Way ပေါ်ကအဆင်းမှာ ယိုမျိုးစုံရောင်းတဲ့ ဆိုင်လေးကနေပြီး အပြင်ကို ပြန်ထွက်ကြရပါတယ်။ အဲဒီ့ဆိုင်မှာ သုံးယောက်သား အမြည်းမျိုးစုံ လိုက်မြည်းကြည့်ပြီးမှ လက်ဆောင်ပေးဖို့အတွက် ယိုအနည်းငယ်ဝယ်ပြီး ပြန်ထွက်လာခဲ့ကြပါတယ်။ တောင်ခြေရောက်တော့ ကားလက်မှတ်ဖြတ်ပြီး Kuala Lumpur ကို ပြန်လာခဲ့ကြပါတော့တယ်။ အပြန်အတွက် ကားလက်မှတ်ခက တစ်ယောက်ကို RM 7 ပေးရပါတယ်။ စည်သူကတော့ ဒီနေ့ ကံကောင်းပါလားပေါ့။ လောင်းကစားဆိုတာ ဘယ်ကစားနည်းမှ ကောင်းတယ်လို့ မရှိဘူးဆိုတာ တကယ်ပဲ မှန်ပါတယ်။ မြန်မြန်ကုန်တာနဲ့ ဖြေးဖြေးကုန်တာပဲ ကွာမယ်ထင်ပါတယ်။ အခု ဒီပို့စ်လေးကို တင်ဖြစ်လိုက်တာက Genting Casino ကိုသွားမယ့် သူများအတွက် ကြိုတင်သတိပေးတဲ့ အနေနဲ့ပေါ့ဗျာ။ ဒုတိယအကြိမ် နှင့် တတိယအကြိမ် သွားခဲ့တုန်းက အတွေ့အကြုံလေးကိုတော့ နောက်ပို့စ်မှာ ထပ်ရေးပေးပါ့မယ်။

ခုတလော အလုပ်များနေတာရော အရင် ကွန်ပြူတာ အဟောင်းလေးကလဲ မရှိတော့တာရော နှစ်ခုလုံးကြောင့် ပို့စ်အသစ် မတင်ဖြစ်ဘူး။ မနေ့ကမှ အွန်လိုင်းက ညီမတစ်ယောက်က ဘလော့ခ်ကို ၀င်ကြည့်သွားတယ်ဆိုတာနဲ့ ကျွန်တော့် ဘလော့ခ်မှာ တင်ပေးဖို့ သူပေးထားတဲ့ ကဗျာကို မတင်ရသေးတာ သတိရသွားတယ်။ သူကဗျာက ခေါင်းစဉ် မတပ်ရသေးတာနဲ့ ကိုယ့်ဘာသာပဲ ကဗျာနဲ့ လိုက်ဖက်မယ်ထင်တဲ့ ခေါင်းစဉ် ပေးလိုက်တယ် ကဗျာခေါင်းစဉ်က "အလွမ်းရင်ခွင်" တဲ့။

ကျွန်တော် ၁၀ တန်းနှစ် လောက်ကပါ။ အဲဒီ့အချိန်တုန်းက 2000 ခုနှစ် လောက်ပေါ့။ ကျွန်တော်ရယ် သူငယ်ချင်းတွေ ဖြစ်ကြတဲ့ ထက်မြတ်သူ၊ သန်းနိုင်နှင့် ပြည်သိန်းအောင်တို့ဟာ တစ်နေ့မှာ ဆံပင်ညှပ်ကြမယ်ဆိုပြီး ကျိုက်ကဆံထဲက အရှေ့မြင်းပြိုင်ကွင်းလမ်း တာမွေ အထက(၃) ကျောင်းနားမှာ ရှိတဲ့ ဆံပင်ညှပ်ဆိုင် တစ်ဆိုင်မှာ သွားညှပ်ဖြစ်ကြပါတယ်။ အတူတူ သွားကြတယ် ဆိုပေမယ့် ကျွန်တော်နဲ့ သန်းနိုင်ကတော့ အဲဒီ့နေ့က ဆံပင်မညှပ်ဖြစ်ပါဘူး။ ထက်မြတ်သူနဲ့ ပြည်သိန်းအောင်တို့ပဲ ညှပ်ကြတာပါ။ ကျွန်တော်ရယ် သန်းနိုင်ရယ်က သူတို့ ဆံပင်ညှပ်တာကို ဘေးမှာ ထိုင်စောင့်ပေးနေတာပါ။

ထက်မြတ်သူက အရင်ဆုံး ဆံပင်ညှပ်ပါတယ်။ အဲဒီ့အချိန်တုန်းက ရုပ်ရှင်မင်းသား ဒွေးက အရမ်းပဲ နာမည် ကျော်ကြားနေတဲ့ အချိန်ဆိုတော့ ထက်မြတ်သူက မင်းသား ဒွေးရဲ့ ဆံပင်ပုံစံကို အားကျတာကြောင့် အရင်ညှပ်နေကျ ပုံစံအတိုင်း ဒွေးကေ ညှပ်တယ်ပေါ့။ သူဆံပင်ညှပ်တိုင်းမှာ ဆံပင်က ညှပ်ကာစမို့ အရမ်း တိုနေတာကြောင့် ကျွန်တော်တို့က ဟိုးအရင်ကတဲက သူ့ကို ဘဲဂေါင်းလို့ နာမည်ပြောင် ပေးထားတာပါ။ အဲ.... ဒီနေ့ ဆံပင်ညှပ်တော့လဲ ထုံးစံအတိုင်း သူညှပ်နေကျ ပုံစံဖြစ်တဲ့ မင်းသား ဒွေးကေ ပဲပေါ့။ ဆံပင်ညှပ်ဆရာကြီးကလဲ လက်ရာကောင်းပါတယ် ထက်မြတ်သူကြိုက်တဲ့ ဒွေးကေပဲ ညှပ်ပေးလိုက်ပါတယ်။

ထက်မြတ်သူ ဆံပင်ညှပ်ပြီးတဲ့တော့ ပြည်သိန်းအောင် ညှပ်မယ့်အလှည့် ရောက်လာပါတယ်။ အဲဒီ့အချိန်တုန်းက မင်းသားဒွေးရဲ့ညီဖြစ်တဲ့ သဲမောင်ကလည်း နာမည် စတက်နေပါပြီ ရုပ်ရှင်တွေ ကြော်ငြာတွေ အတော်များများ ရိုက်နေပါတယ်။ ကျွန်တော်တို့ ၁၀ တန်းစာမေးပွဲဖြေခါနီး အချိန် (ယခု ဆံပင်ညှပ်ကြတဲ့အချိန်) လောက်ကျတော့ သဲမောင်ကနေပြီး သားညီဆိုပြီး နာမည် ပြောင်းလိုက်ပါတယ်။ ပြည်သိန်းအောင်ကလဲ မင်းသား ဒွေးရဲ့ညီ သားညီရဲ့ ဆံပင်ပုံစံကို အလွန်ပဲ အားကျနေသူပါ။ အဲဒီတော့ သူကလဲ မင်းသား သားညီကေ ညှပ်မယ်ပေါ့။ ဒါနဲ့ပဲ ဆံပင်ညှပ်မယ့်ခုံမှာ အကျအန ၀င်ထိုင်လိုက်ပါတယ်။ ဒါနဲ့ပဲ ဆံပင်ညှပ်ဆရာကြီးက ဘာပုံစံညှပ်မလဲလို့ ပြည်သိန်းအောင်ကို မေးလိုက်ပါတယ်။ ဒီတော့ ပြည်သိန်းအောင်က သူကြိုက်တဲ့ မင်းသား သားညီကေ ပုံစံအတိုင်း ညှပ်မှာမို့ ဆံပင်ညှပ်ဆရာကြီးကို "သားညီကေ ညှပ်မယ်" လို့ပြောလိုက်ပါတယ်။ ဒီအခါမှာတော့ ဆံပင်ညှပ်ဆရာကြီးက "ဟေ ... မင်းရဲ့ ညီ ဆံပင်ပုံစံကို ငါမှမသိတာ ... ဘယ်လို ညှပ်ရမှာလဲဟ" ဆိုပြီး ပြန်ပြော လိုက်ပါတော့တယ်။

(ကျွန်တော်တို့လဲ အလွန်ပဲ သဘောကျလွန်းလို့ ပြည်သိန်းအောင်နဲ့တွေ့တိုင်း မင်းညီကေ သွားမညှပ်တော့ဘူးလား ဆိုပြီး အမြဲစနောက် ဖြစ်ပါတယ်...တကယ်တော့ ဆံပင်ညှပ်ဆရာကြီးက မင်းသားသဲမောင် ကနေပြီး သားညီဆိုပြီး နာမည်ပြောင်းထားတာကို လုံးဝမသိသေးတာပါ)